Монгол орны хил орчмын бүсэд 2025 онд 34 мянга гаруй газар хөдлөлтийг бүртгэжээ. Үүний 16 мянга гаруй нь Монголын нутаг дэвсгэрт, харин 593 нь Улаанбаатар хотод гэдгийг ШУА-ийн Одон орон, геофизикийн үндэсний хүрээлэнгээс мэдээллээ. Газар хөдлөлтийн идэвхтэй бүсэд тооцогдох Хөвсгөл аймагт 2026 он гарсаар 3.5-4.5 магнитудын газар хөдлөлт тус бүр 1 болжээ. Энэ мэтчилэн 2026 он гарсаар Хөвсгөл аймагт нийт 105 удаагийн газар хөдлөлт бүртгэжээ. Хамгийн сүүлд 1-р сарын 25-нд Хөвсгөл аймгийн Ханх сумаас 31 км-т баруун урд зүгт 3.5 магнитудын газар хөдөлжээ. 2021 онд Хөвсгөл аймагт 6.7 магнитудын газар хөдлөлт болж байсан, үүнээс хойш газар хөдлөлтийн давтамж үргэлжилж байгааг гэж судлаачид үздэг байна.