Баянзүрх дүүргийн Гамшгийн эрсдэлээс урьдчилан сэргийлэх орон нутгийн зөвлөлөөс санаачлан Онцгой байдлын хэлтсийн алба хаагчдын 5 хүүхдийг БНСУ-д соёлын солилцооны хөтөлбөрт хамруулахаар боллоо.

Манай дүүргийн Онцгой байдлын хэлтсийн алба хаагчид их ачаалалтай ажилладаг. Жилд дунджаар 580 гаруй объектын гал түймрийг унтрааж, 750-аад хүний эрдэнэт амь нас, 50 тэрбум төгрөгийн өмч хөрөнгийг авран хамгаалдаг гэсэн дундаж тоон мэдээ байна. Бусдын төлөө өргөсөн тангарагтаа үнэнч ажилладаг алба хаагч нартаа талархсан сэтгэлээ илэрхийлж энэхүү төслийг санаачилжээ.

Бид БНСУ-ын Аврах албатай сүүлийн 3 жилийн хугацаанд хамтын ажиллагаагаа өргөжүүлж байгаа юм байна.