Netflix-ийн түүхэн дэх хамгийн алдартай цувралуудын нэг “Squid game ” бол 74 дэх “Primetime Emmy Awards” болон 79 дэх удаагийн “Алтан бөмбөрцөг” шагнал гардуулах ёслолоос шагнал хүртсэн англи хэлээр гараагүй анхны ази цуврал юм. Тус киноны эхний цувралыг 2.2 тэрбум гаруй цаг үзсэнээрээ Netflix-ийн эх хувилбаруудад шинэ жишиг тогтоосон байна.Цувралын хоёрдугаар бүлэг шинэ дүрүүд шинэ өгөөшт тоглоомоор эргэн ирсэн билээ.Зул сарын баяраар нээлтээ хийсэн долоон анги бүхий хоёрдугаар улирал кино шүүмлэгч үзэгчдийн дунд таавар үлдээгээд дууссан ч “Squid game 3” 2025 онд цацагдах нь батлагдлаа. Шинэ оны эхний өдөр Netflix “Squid game 3”-ын анхны албан ёсны постер зургийг дэлгэжээ.

Эммигийн шагналт энэхүү цувралын найруулагч Хван дараагийн ангийн үйл явдал солонгост өрнөнө гэдгийг батлахын зэрэгцээ Холливудын хамгийн том оддын ачаар 3-р улирал илүү олон улсын анхаарлыг татаж чадна байх хэмээн хошигножээ. Найруулагчийн хэлж буй холливудын одыг Леонардо Ди Каприо хэмээн таамаглаж байгаа юм байна. Найруулагч Хван Леонардо “Squid Game”-ийн үнэнч шүтэн бишрэгч гэдгээ хэлсэн.Хэрэв цаг хугацаа эсвэл боломж нь бүрдвэл бид түүнтэй хамтран ажиллахыг хүсэж байна” гэж Сөүлд болсон хэвлэлийн бага хурлын үеэр мэдэгдсэн байна.