Солонгосын түүхэн драмын кино “Харбин” дэлхийн 117 оронд зарагдсан гэж тус киноны дистрибьютер Лхагва гарагт мэдэгдэв. “CJ” энтертайментийн зүгээс хэвлэлийнхэнд “Солонгос хэллэгтэй кино олон улсад амжилттай борлуулагдсан нь утга учиртай” хэмээн онцолжээ.

Тус кино АНУ, Сингапур, Индонез зэрэг хэд хэдэн улсад нээлтээ хийсэн бөгөөд энэ сарын сүүлээр Австрали, Шинэ Зеланд, Тайваньд нээлтээ хийхээр төлөвлөсөн байна.

“Харбин” кино дэлхий дахины сонирхлыг ихэд татсан нь найруулагч Ву Мин Хо-ын нэр хүнд, Хён Бин тэргүүтэй чадварлаг жүжигчдийн сэтгэл татам байдал, Торонтогийн олон улсын кино наадмаас шүүмжлэл авсан зэрэг олон хүчин зүйлтэй холбоотой хэмээжээ.

“Харбин” киног 12-дугаар сарын 24-нд Өмнөд Солонгост нээлтээ хийснээс хойш өнөөг хүртэл нийт 3.77 сая гаруй хүн үзсэн байна. Энэхүү кино 1909 оны үйл явдлыг харуулах бөгөөд Ан Жун Гюн (1879-1910) тэргүүтэй Солонгосын тусгаар тогтнолын төлөө тэмцэгчид Японы анхны Ерөнхий сайд, Солонгост оршин суугч генерал Ито Хиробумиг хөнөөхийг завдсан тухай өгүүлдэг.