Нэгдүгээр сарын 8-ны өдөр BTS хамтлагийн гишүүн Жонгүг Weverse платформ дээр фенүүдтэйгээ мэндчилж, “Шинэ жилийн мэндчилгээ маань хоцорчихлоо, гэхдээ энэ он бол бидний дахин уулзах жил байх болно” гэж мэдэгдсэн байна.

BTS хамтлагийн гишүүн Жонгүг 2023 оны 12 дугаар сард хамтлагийн гишүүн Жиминтэй хамт цэргийн албанд элссэн бөгөөд одоо армид алба хааж байна. Энэ жил BTS хамтлагийн бүх гишүүд цэргийн албаа хааж дуусгасан бөгөөд Жонгүг ирэх 6 дугаар сард халагдах юм. Тэрбээр цаг хугацаа хурдан өнгөрч байгаа мэт санагдаж байгаа ч бүр илүү хурдлаасай гэж хүсэж байгаагаа илэрхийлсэн байна. Ташрамд дурдахад Кпоп ертөнцийн нөлөө бүхий хамтлагийн нэг BTS болон Blackpinк хамтлаг энэ онд эргэн ирэх бөгөөд сүүлийн жилүүдэд ажиглагдаагүй уналт мэдрэгдээд буй хөгжмийн салбарыг сэргээнэ гэж фенүүд нь итгэл дүүрэн байгаагаа мөн сэтгэгдэл бичиж хуваалцжээ.