Нэгдүгээр сарын 9-ний өдөр Blackpinк хамтлагийн дуучин Лиза өөрийн инстаграм хуудсандаа шинэ жилийн баяр тэмдэглэж байсан фото зургуудаа нийтэлсэн байна.Түүний нийтэлсэн хэд хэдэн зургаас фенүүд нь эрэгтэй хүнтэй ижилсэн зүүсэн хос цагны зурагт анхаарал хандуулжээ. Интернэт хэрэглэгчид цагны эзнийг LVMH-ийн үүсгэн байгуулагч, тэрбумтан Бернард Арногийн 4 дэх хүү Фредерик Арно мөн гэж таамагласан байна. Лизаг 2024 оны эхэн үеэс Фредерик Арнотой болзож байгаа цуурхал дэгдсэн ч тэрбээр өнөөдрийг хүртэл хариулт өгөөгүй байсан юм.