Өмнөговь аймгийн Цогт-Овоо сум Нутгийн удирдлагын 2 давхар шинэ ордонтой болж, өчигдөр нээлтээ хийлээ. Хөдөө орон нутагт нутгийн өөрөө удирдах ёсны байгууллага, төрийн захиргааны болон төрийн үйлчилгээний байгууллагад боловсон хүчин тогтвор суурьшилтай ажиллах, тав тухтай ажиллах нөхцөл бүрдүүлэх зорилгоор Өмнөговь аймаг 15 сумаа Нутгийн удирдлагын шинэ ордонтой болгож байна.
1959 онд анх байгуулагдсан энэ сум өнгөрсөн хугацаанд анх удаа орчин үеийн шийдэл бүхий 2 давхар барилга орон нутгийн төсвөөр барьж, ашиглалтад оруулж байгаа аж.