Ким Вүү Бин нэгдүгээр сарын 11-нд Конкук их сургуулийн шинэ мянганы танхимд “Woobin’s Diary” фен уулзалтаа хийж, шүтэн бишрэгчидтэйгээ цагийг өнгөрүүлжээ. Вүү Бин уулзалтын сэдэвт нийцүүлэн фэнүүдтэйгээ хийхийг хүссэн “хүслийн жагсаалт”-аа хуваалцсан байна.

Фэн уулзалтын үеэр Ким Вүү Бин өмнө нь ажиллаж байсан дүрүүд болон кино төслүүдийн тухай хөшигний арын түүх гэх мэт сонирхолтой яриаг өрнүүлжээ.

Тэрбээр фен уулзалтын талаарх сэтгэгдлээ хуваалцаж, “Гурван цаг өнгөрсөнд итгэж чадахгүй байна. Ийм удаан хугацааны дараа та бүхэнтэйгээ уулзаж, нэг агаараар амьсгалж байгаадаа үнэхээр сайхан байлаа” гэжээ.

Ташрамд дурдахад Ким Вүү Бин Netflix-ийн “Бүгд биелнэ” цувралаар үзэгчидтэй уулзахаар төлөвлөж байгаа бөгөөд тэрээр Сүзитэй хамт романтик инээдмийн кинонд дүр бүтээхээр болсон байна.