Улаанбаатар хотын агаар өнөөдөр асар бохир байна. УИХ-ын “Утааны сонсгол”-ыг цаг агаар хүртэл дэмжих мэт салхигүй, утаа өтгөн байна. Өнөө өглөө 1-р хороолол, Бөхийн өргөө, Зуун-Айл, “Ургах наран” хороолол, Хайлааст, Таванбуудал, Зайсан, Шархад, Налайх, Баянхошуу, Толгойтод хүхэрлэг хий агаарын чанарын стандартаар зөвшөөрсөн хэмжээнээс давлаа. Толгойт суурин харуул орчимд хүхэрлэг хий хамгийн их байв.  

Азотын давхар исэл Таванбуудал, Шархад, Налайх, Толгойт, Зурагт, Амгаланд  агаарын чанарын стандартаас хэтэрчээ. Зурагт суурин харуул орчимд азотын давхар исэл хамгийн их байв.

Бүдүүн ширхэгт тоосонцор 1-р хороолол, цахилгаан станц, Хайлааст, Таванбуудал, Толгойт, Зурагт, Дамбадаржаад стандартаар байж болно гэж зөвшөөрсөн хэмжээнээс хэтэрчээ. Хамгийн их нь Зурагтад хэмжигджээ.  

Нарийн ширхэгт тоосонцор 1-р хороолол, Бөхийн өргөө, Хайлааст, Таванбуудал, Зурагт, Дамбадаржаа, Баянхошууд хамгийн их байв.